Note 154 — Chapter XX
Reading edition
Omnia ergo sentiunt; alias mundus esset chaos. Ignis enim non sursum tenderet, nec aquæ in mare, nec lapides deorsum; sed res omnis ubi primo reperiretur, permaneret, cum non sentiret sui destructionem inter contraria nec sui conservationem inter similia. Non esset in mundo generatio et corruptio nisi esset contrarietas, sicut omnes physiologi affirmant. At si alteram contrarium non sentiret alterum sibi esse contrarium, contra ipsum non pugnaret. Sentiunt ergo singula. De Sensu Rerum, l. i. c. 4.