Note 344 — PART II

Sains Augustins les sermona Et la loi Deu lor preeça. Cil furent de male nature Que de lor sermon n'orent qure. La ou li sains lor sermonoit Et la loi Deu lor anonçoit, A ses dras de tries lor pendoient Keues de raies qu'il avoient; Od les keues l'on envoiérent Et bien longement le cachiérent. Et il proia nostre signor Que d'icele grant deshonor Et de cele grant avilance Ait en ax s'ire et demostrance. Et il si orent voirement Et aront pardurablement, Car trestot cil qui l'escarnirent Et qui les keues li pendirent Furent coë et coës orent, Ne onques puis perdre ne's porent. Tot cil ont puis esté coé, Qui furent de tel parenté; Keues ont de tries en la car, En ramanbrance de l'escar Qu'il firent al Deu ami Qui des keues l'orent laidi. —Wace, Brut, ll. 14165 et seq., B. M. copy, vol. ii, p. 251.