Note 1034 — LIVRE SECOND MONOGRAPHIE DE CERTAINES INDUSTRIES (continued 2)

«Dit est, present le procureur du Roy, que un drap de couleur de vert brun contenant XII aulnes ou environ, lequel est taint en pure molée, si comme les juréz de la visitacion general de draps de Paris ont rapporté, sera rendu et delivré à Richart le Macon auquel il appartient, qui ycellui avoit baillé à tondre à Colin (?) le tondeur, en la possession duquel il avoit esté trouvé, pourveu que il sera essorillié selon les registres et ordenances, consideré que led. Richart a affermé que il l’avoit fait faire pour son user et non pour vendre et que il n’est mie marchant, reservé au procureur du Roy son action contre le tainturier ou tainturiere qui ycellui drap a taint, pour raison de l’amende que led. procureur dit estre deue pour cause de ce.» Reg. d’aud. du Chât. 6 juin 1399, Y 5222.