Note 1012 — LIVRE SECOND MONOGRAPHIE DE CERTAINES INDUSTRIES (continued 2)

«Au jour d’ui Guillaume Doucet, poulieur demourant à la porte Baudoier contre lequel messire Guillaume Corde fait demande d’un demi drap de Monstiviller, a offert en jugement pardevant nous aud. messire Guillaume un drap au jour d’ui par lui exhibé en jugement taint en vert brun (?) d’Angleterre contenant environ huit aulnes, c’est assavoir VIII aulnes I quartier moinz, affirmant que c’estoit et est le drap que Pierre de Serens, tainturier lui avoit baillé... tout taint pour poulier et que, se aucune chose avoit esté copé dud. drap, ce avoit esté paravant qu’il lui feust baillé et à ce fu present Pierre le Flament drapier et bourgeois de Paris qui affirma par serment [que] souventes foiz demi draps de Monstiviller, avant qu’ilz soient pouliéz, ne contiennent que huit aulnes, autrefoiz VIII aulnes I quartier, autrefois VIII aulnes II quartier et aucunes fois plus et autrefois moinz, et oultre affirma qu’il creoit que dud. drap exhibé, l’en avoit osté l’un des chiefs avant qu’il feust taint.» 5 juillet 1399. Reg. d’aud. du Chât. Y 5222. «... comme ja pieça les d. freres [Guillaume et Colart de Caveillon] eussent porté un drap nouvellement taint à la poullie pour sachier...» Lettres de rémission d’août 1351. JJ 80, p. VIc LVI.