Note 165 — LIVRE PREMIER ORGANISATION CIVILE, RELIGIEUSE ET ÉCONOMIQUE DE LA CLASSE INDUSTRIELLE
Reading edition
«A tous ceuls qui ces lettres verront, Jehan, seigneur de Foleville... garde de la prévosté de Paris, salut. Savoir faisons que pardevant Guillaume le Préffé et Andry le Preux, clers notaires du Roy nostre seigneur ou Chastellet de Paris, furent personnelment establis honorables hommes et sages maistres Jehan Maulin, etc., marchans et bourgois de Paris, confrères et conseillers avecques plusieurs autres de l’église, hospital et confrarie du S. Sépulcre de Jhérusalem fondé à Paris en la grant rue S. Denis, assembléz de nostre congié et liscence en plain siège d’icelle confrarie tenu en lad. église le dimanche XXVIIIe jour de juing, l’an mil trois cens quatre-vins et quatorze, et là comme faisans la plus saine partie des confrères et conseillers de lad. confrarie du Sépulcre, consentans et non contredisans les confrères et conseillers estans ou dit siège, firent et constituèrent pardevant les diz notaires comme pardevant nous pour eulx et pour les diz confrères et conseurs conjointement et diviseement, maistres, gouverneurs, pourvéeurs et administrateurs pour ceste présente année... c’est assavoir Jehan Falle, etc...» Arch. nat. L 592, 2e liasse.