Note 472 — LIVRE PREMIER ORGANISATION CIVILE, RELIGIEUSE ET ÉCONOMIQUE DE LA CLASSE INDUSTRIELLE (continued 2)

«... Dit est que les neuf pieces de drap arrestés à la requeste dud. procureur du Roy pour ce que ilz n’avoient esté descendu en hale seront apreciéz et... en baillant dud. marchant caucion de la valeur d’iceulx, ilz lui seront recreuz...» 24 septembre 1395, Reg. d’aud. du Chât. Y 5220. «Après ce que Guyot Lambert, Jehan Bernart, Guiot Pinçon et Jehan du Hamel, tous cordoanniers demourans à Paris ont affermé par serrement que dix neufs cuirs appartenans à eulz et Guillaume à la Bourre, pris arrestéz es hales de Paris par les juréz des quatre mestiers de la ville de Paris, pour ce que ils sont mauvaisement tannéz, ils avoient acheté au Lendit, cuidant que ilz feussent bons et que, en ensuivant leurs registres, les avoient envoyéz es hales pour visiter, nous avons ordené que yceulx cuirs leur seront renduz sens amende ni confiscation pourveu que ilz ne seront tenéz et aussy leur avons defendu que yceux cuirs ils ne vendent en la ville, prevosté et viconté de Paris, sy non au Lendit... et seront tenuz de rapporter certifficacion des lieux et des personnes à qui ilz auront iceux venduz dedans la Magdalaine et avecques ce seront premierement signéz du fer condempnable, ainsy qu’il est acoustumé et de paier les juréz de leur salaire.» 20 juin 1399, Y 5222. «... Rolin le Touzet, marchand forain, demourant à Villepereur, qui estoit apparu pardevers nous à la requeste du procureur du Roy à fin d’admende pour ce qu’il avoit descendu hors hale certaine quantité de peaulx à toute la layne qu’il aportoit à Paris pour vendre...» 9 avril 1407, Y 5226.