Note 98 — Early Typography. CHAPTER IV.

Hic ubi postremo descendit gurgite Moenus, Excipit et socias littore Rhenus aquas Hanc peperit captis antiqua Moguntia muris Horrida dum tristis fata canebat avis. * * * * * Sæcula bis septem numerabant ordine fati Christigenæ, hinc illis lustra decemque dabant, Tertius ac orbis Fridericus frena regebat, * * * * * Clarus Joannes en Gutenbergius hic est, A quo, ceu vivo flumine, manat opus. Hic est Aonidum custos fidissimus, hic est, Qui referat latices, quos pede fudit equus, Quam veteres nobis Argenti voce notarunt, A puero fertur sustinuisse virum; Illa sed huic civi largita est munera grata, Cui clarum nomen Mogus habere dedit. Primitias illic coepit formare laboris, Ast hic maturum protulit artis opus. Stemmate præstabat; vicit virtute sed illud; Dicitur hinc veræ nobilitatis Eques. Annulis in digitis erat illi occasio prima, Palladium ut caelo sollicitaret opus. Illum tentabat molli committere ceræ, Redderet ut nomen littera sculpta suum. Respicit archetypos, auri vestigia lustrans, Et secum tacitus talia verba refert: Quam belle pandit certas hæc orbita voces, Monstrat et exactis apta reperta libris. Quid, si nunc justos, æris ratione reducta, Tentarem libros cudere mille modis?—v.v. 19–66.