Note 318 — L'ARCHITECTURE (continued 3)

«Les .il. choses vi vis à vis: L'une fu grande et bien taillie, D'un blanc samit appareillie; Cote en ot, sorcot et mantel Afubli .i. poi en chantel; La face ot doucement formée, Qui fu si à point colorée Com nature le pot miex fère. Bouche et vermeille, et par miex plère Ot vairs iex, rians et fenduz, Les braz bien fez et estenduz, Blanches mains, longues et ouvertes. Aux templières que vi aperte. Apparut qu'ele et teste blonde, Je croi, plus que nule du monde. Corone et bele ou chief assise Qui li sist bien à grant devise. Son non enquis en tele manière: --Je vous pri, douce dans chière, Que me le diez de vous le non. -- Sire, fist-ele, mon renon Fu jadis chièri et amè; Mon non est LARGUECE clamé.-- De l'autre errez je la manière: Ele et forme et grande plenière; Noire estoit et descolorée, Fade en tout, et fu afublée D'une robe de vert esreuse; A véir fu pou deliteuse: «D'une vielle pane l'orrée De menu vair entrepelée. Tenues levres et bouche unquaise Ot; je ne sai s'el fu pusnaise; Ou nez ot estroites narrines Qu'ele ot gresle et lone et verrines; Les vaines parmi son visuge Qu'elle ot traités à grant outrage, Le col ot lonc, nervu et gresle, Noirs cheveus dont l'un l'autre mesle; Si ot granz mains et longue brache Dont el tient fort cels qn'ele embrache. Corone ot d'or trop merveilleuse, Mainte pierre i ot précieuse; Ele ot noirs iex, fens et poingnanz. A regarder mult resoingnanz. Quant je l'oi grant pose esgarder Et sa contenance avisée, Je enquis ma dame Larguece Qui estoit cele déablesse El me dist estoit AVARICE, Qui perist chascun par son visce.»