Note 158 — L'ARCHITECTURE (continued 6)

......... Pero ilh de la vila lor an tals gens tendutz Quel capdolh el miracle (mirador, tour du guet) son aisi combatutz Que lo fust e la peira e lo ploms nes fondutz E a la santa Pasca es lo bossos tendutz Ques be loncs e ferratz e adreitz e agutz Tant fer trenca e briza que lo murs es fondutz Quen mantas de maneiras nals cairos abatutz E cels dins can o viron no son pas esperdutz Ans feiron latz de corda ques ab lengenh tendutz Ab quel cap del bosso fo pres e retengutz Don tuit cels de Belcaire fortment son irascutz Tro que venc lenginaire per que lor fo tendutz E de dins en la roca na intra descondutz Que cuiderol mur fendre ab los pics esmolutz E cels del capdolh preson cant los i an saubutz Foc e solpre e estopa ins en un drap cozuts E an leus ab cadena per lo mur dessendutz E can lo focs salumpna et solpres es fondutz La sabors e la flama los a si enbegutz Cus dels noi pot remandre ni noi es remazutz E pois ab las peireiras son saisi defendutz Que debrizan e trencan las barreiras els futz...