Note 112 — Chapter II · THE MONASTIC CHURCH IN IRELAND.
Reading edition
Ipsum quoque locum Benchor tradidit ei princeps, ut ædificaret ibi monasterium, vel potius reædificaret. Nempe nobilissimum extiterat ante sub primo patre Congello, multa millia monachorum generans, multorum monasteriorum caput. Locus vere sanctus fœcundusque sanctorum, copiosissime fructificans Deo, ita ut unus ex filiis sanctæ illius congregationis, nomine Luanus, centum solus monasteriorum fundator extitisse feratur. Hiberniam Scotiamque repleverunt genimina ejus. Nec modo in præfatas, sed in exteras etiam regiones, quasi inundatione facta, illa se sanctorum examina effuderunt; e quibus ad has nostras Gallicanas partes sanctus Columbanus ascendens Lexoviense construxit monasterium, factus ibi in gentem magnam. Hæc de antiqua dicta sint Benchorensis monasterii gloria.—Vit. S. Malachiæ, cap. 5.