Note 713 — Chapter IX · THE KINGDOM OF SCOTIA PASSES INTO FEUDAL SCOTLAND.
Reading edition
1197 Ortum est prælium in Morevia juxta castrum Inuernis, inter homines regis et Rodericum et Thorfinum filium Comitis Haraldi, sed Deo procurante, regis hostes in fugam versi sunt, et prædictus Rodericus cum multis aliis cæsus interiit.
Postmodum idem rex Willelmus cum exercitu suo profectus est in Moreviam et in ceteras remotiores terræ suæ partes, ubi Haraldum comitem cepit eumque in castello de Rokesburch observari fecit, donec Thorfinnus filius ejus se pro patre suo obsidem daret.—Chron. Mel.