Note 189 — Chapter IV · ETHNOLOGY OF BRITAIN.

Sub hujus autem prominentis vertice

Sinus dehiscit incolis Oestrymnicus,

In quo insulæ sese exserunt Oestrymnides

Laxe jacentes, et metallo divites

Stanni atque plumbi. Multa vis hic gentis est,

Superbus animus, efficax sollertia,

Negotiandi cura jugis omnibus:

Notisque cymbis turbidum late fretum,

Et belluosi gurgitem Oceani secant:

Non hi carinas quippe pinu texere,

Acereve norunt, non abiete, ut usus est,

Curvant faselos; sed rei ad miraculum,

Navigia junctis semper aptant pellibus

Corioque vastum sæpe percurrunt salum.

* * * * *

Tartessiisque in terminos Oestrymnidem

Negotiandi mos erat.