Note 536 — Chapter XXIII
Reading edition
De top. C.P. iv. c. 4:—Inter palatium Constantini et portam urbis Adrianopolitanam extat ædes in septimo (?) colle, quæ etsi jam tot secula sit intra urbem tamen etiamnum χριστὸς χώρας appellatur, ex eo, quod olim esset extra urbem. Ex tribus partibus, ut mos est Græcorum ædium sacrarum, porticu cingitur. Parietes ejus intrinsecus vestiti crustis marmoris varii quadratis, ita inter se conjunctis ut distinguantur ab immo sursum versus modulis astragalorum, aliorum baccatorum, aliorum ter etiam sine baccis. Supra quadratas crustas discurrunt tres fasciæ et tres velut astragali, quorum duo teretes, supremus quadratus velut regula. Supra fasciam, denticuli; supra denticulos, folia Corinthia. Denique marmor sic mensulis distinguitur ut in commissuris eluceat labor Corinthicus. Sed is plenior apparet in æde Sophiæ.