Note 105 — Chapter II
Reading edition
Wilkins, Concilia, iii, 375: "Hujus itaque dispositionis ex clementissima et benignissima Dei Salvatoris nostri misericordia procedentis consideratione, nationis Anglicanae plebs fidelis, etsi Deum in sanctis suis omnibus laudare ex debito teneatur, ipsum tamen, ut orbis affatus, ipsaque gratiae desuper concessae experientia, rerum cunctarum interpres optima, attestantur, in suo martyre gloriosissimo, beato Georgio, tanquam patrone et protectore dictae nationis speciali, summis tenentur attollere vocibus, laudibus personare praecipuis et specialibus honoribus venerari. Hujus namque, ut indubitanter credimus, interventu, nedum gentis Angligenae armata militia contra incursus hostiles bellorum tempore regitur, sed et pugna cleri militaris inermis in sacrae pacis otio sub tanti patroni suffragio celebriter roboratur."