Note 122 — Chapter III · CATEGORIÆ.
Reading edition
Simplikius ad Categ. p. 2, b. 5; Schol. p. 52, a. 1, Br: Ἀρχύτας ὁ Πυθαγορεῖος οὐ προσίεται τὴν νυνὶ προκειμένην τῶν οὐσίων διαίρεσιν, ἀλλ’ ἄλλην ἀντὶ ταύτης ἐκεῖνος ἐγκρίνει — τῶν μέντοι Πυθαγορείων οὐδεὶς ἂν πρόσοιτο ταύτην τὴν διαίρεσιν τῶν πρώτων καὶ δευτέρων οὐσιῶν, ὅτι τοῖς καθόλου τὸ πρώτως ὑπάρχειν μαρτυροῦσι, τὸ δὲ ἔσχατον ἐν τοῖς μεριστοῖς ἀπολείπουσι, καὶ διότι ἐν τοῖς ἁπλουστάτοις τὴν πρώτην καὶ κυριωτάτην οὐσίαν ἀποτίθενται, ἀλλ’ οὐχ ὡς νῦν λέγεται ἐν τοῖς συνθέτοις καὶ αἰσθητοῖς, καὶ διότι τὰ γένη καὶ τὰ εἴδη ὄντα νομίζουσιν, ἀλλ’ οὐχὶ συγκεφαλαιούμενα ταῖς χωρισταῖς ἐπινοίαις.