Note 70 — PLATES XXXVIII.—XLI. CHURCH OF ST. HILDEBERT, AT GOURNAY.

Of the last of these, which bears date in 1278, a copy, translated from the Archiepiscopal Archives, is printed in the Concilia Normannica, (II. p. 85,) and is here inserted, not only on account of the information it affords concerning the church, but as a curious specimen of similar compositions:—

“Guillelmus de Flavacuria Indulgentias Ecclesiæ Gornacensi concedit anno Christi mcclxxviii.

“Guillelmus permissione divinâ Rotomagensis Archiepiscopus, universis præsentes literas inspecturis, salutem in Domino Jesu Christo. Cum, sicut accepimus, Ecclesia de Gournayo nostræ Diocesis, in qua Corpus B. Hildeverti requiescit, ita graviter sit oppressa, quòd ad sustentationem pauperum Clericorum ibi deservientium, necnon et ad reædificationem dictæ Ecclesiæ propriæ facultates non suppetant nisi fidelium subventionibus adjuvetur, maximè cùm prædicta Ecclesia amiserit redditus quos in Anglia solebat percipere annuatim. Nos de omnipotentis Dei misericordia et B. Mariæ semper Virginis genitricis ejus, beatorum Petri et Pauli, ac beatorum Confessorum Romani et Audoëni, et omnium Sanctorum meritis et intercessione confisi: Omnibus verè pœnitentibus et confessis, qui ad dictam Ecclesiam causâ peregrinationis Dominicâ in qua canitur: Isti sunt dies, et die Sabbathi et die Veneris immediatè præcedentibus accesserint, vel prænominatæ Ecclesiæ manum suam porrexerint, adjutorium dictis diebus vel aliis eleemosynas largiendo, 40 dies de injunctis sibi pœnitentiis misericorditer relaxamus. Datum Gournaii anno Domini 1278, die Veneris ante Festum B. Dionysii.”