Note 169 — PLATE LXXIII.-LXXV. CHURCH OF ST. PETER, AT LISIEUX.

The following account of the bishopric of Lisieux, is extracted from the Gallia Christiana, XI. p. 762, to enable the reader to form an opinion of its extent and importance.—“Ecclesia hæc cæteris Neustriæ episcopatibus facultatibus haud impar, patronum agnoscit S. Petrum Apostolorum principem. Episcopus, qui et episcopus est capituli, comes est et civitatis. Hunc comitatum septem componunt baroniæ, de Nonanto in Bajocassino, de Thibervilla, de Glos et Courthona, de Gaceio, de Touqua, de Canapvilla et de Bonnavilla la Louvet, omnes in diœcesi. Episcopus præterea conservator est privilegiorum academiæ Cadomensis. Dignitates omnes et præbendas ecclesiæ Lexoviensis confert, excepto decano qui eligitur a capitulo, nec a quoquam confirmatur. Præter decanum, capitulum octo constat dignitatibus, cantore, qui residere tenetur, thesaurario, capicerio, magistro scholarum et quatuor archidiaconis; 1. de Lievino cui subsunt quatuor decanatus rurales, Moyaux, Cormeilles, Bernai, et Orbec, in quibus 139 parochiæ, rectoriæ vero seu curæ 148; 2. de Algia, cui subsunt tres decanatus, Mesnil-Mauger, Beuvron et Beaumont, in quibus 128 parochiæ, rectoriæ vero 137; 3. de Ponte Audomaro, cui subsunt tres decanatus, Touques, Honfleur, et Pontaudemer, in quibus 89 parochiæ, rectoriæ 93; 4. denique de Gaceio, cui subsunt quatuor decanatus, Gacey, Livarot, Montreul, et Vimontier, in quibus 111 parochiæ, et 117 rectoriæ. Post dignitates sunt 31 præbendæ integræ cum duabus semipræbendis, e quibus undecim antiquæ fundationis, quas qui tenent barones vocantur. Sunt et aliæ sex præbendæ Volantes dictæ, quæ quotidianis non gaudent distributionibus. Sunt adhuc in eadem ecclesia 4 vicarii, quorum tres revocabiles, et 30 capellani, quorum septem episcopus, et 23 instituit capitulum. Præter parochias supra memoratas, sunt et aliæ undecim in urbe et baleuca Lexoviensi, rectoriæ duodecim: quatuor in exemtione de Nonanto prope Bajocas, quarum sex rectores, et quinque in exemtione S. Candidi senioris in urbe et diœcesi Rotomagensi, quarum unam, scilicet S. Candidi senioris collegiatam simul et parochialem administrant quatuor canonici, qui alternis vicibus parochialia obeunt munia; decanatus enim annexus est episcopo Lexoviensi qui jurisdictionem exercet in quinque illas ecclesias. Tota denique diœcesis Lexoviensis 487 parochias continet, rectorias 520.”