Note 62 — Chapter III · (continued 2)
Reading edition · Edition 2
The following is a copy of the original:
"Forma Juramenti Regis Angliæ in Coronacione sua:
(Archiepiscopus Cantuariæ, ad quo de jure et consuetudine Ecclesiæ Cantuariæ, antiqua et approbata, pertinet Reges Angliæ inungere et coronare, die coronacionis Regis, anteque Rex coronetur, faciet Regi Interrogationes subscriptas.)
Si leges et consuetudines ab antiquis justis et Deo devotis Regibus plebi Anglicano concessas, cum sacramenti confirmacione eidem plebi concedere et servare (volueris:) Et præsertim leges et consuetudines et libertates a glorioso Rege Edwardo clero populoque concessas?
(Et respondeat Rex,) Concedo et servare volo, et sacramento confirmare.
Servabis Ecclesiæ Dei, Cleroque, et Populo, pacem ex integro et concordiam in Deo secundum vires tuas?
(Et respondeat Rex,) Servabo.
Facies fieri in omnibus Judiciis tuis equam et rectam justiciam, et discrecionem, in misericordia et veritate, secundum vires tuas?
(Et respondeat Rex,) Faciam.
Concedis justas, leges et consuetudines esse tenendas, et promittis per te eas esse protegendas, et ad honorem Dei corroborandas, quas vulgus elegit, secundum vires tuas?
(Et respondeat Rex,) Concedo et promitto."