Note 36 — CHAP. VI. Of the Prognostics of this Disorder.
Reading edition
Generosus et sternuus D. Abrahamus Schonicel, equitum in exercitu imperatorio magister, ebrietati deditus; quoties supinus incumberet, Incubo graviter affici solebat: post multa remedia exhibita, malum rarius quidem invasit; cum tamen, ob repletionem, et compotandi consuetudinem recurreret, monui cubicularium, ut quoties in somno queritantem et lamentantem audiret, statim corpus leviter vellicaret, dormientem compellaret, et excitaret, quo pacto, insultus breviores quidem sensit. Biennio tamen post, Epilepsia extinctus est. Baldassar Timeus, Cas. Med. lib. v.