Note 243 — 1100. A SCENE IN A PLAY. (continued 3)
Reading edition
The following is the text of the document:—
Remarques sur le suject d'un tableau excellent des Srs. d'Inteville Polizy, et de George de Selve.[244]
En ce tableau est representé au naturel Messire Jean de D Intevile chevalier sieur de Polizy près de Bar-sur-seyne Bailly de Troyes, qui fut Ambassadeur en Angleterre pour le Roy François premier ez années 1532 & 1533 & de puis Gouverneur de Monsieur Charles de France second filz diceluy Roy, le quel Charles mourut a forest monstier en l'an 1545, & le dict sr. de D Intevile en l'an 1555, sepulturé en l'eglise du dict Polizy. Est aussi representé audict tableau Messire George de Selve Evesque de Lavaur personnage de grandes lettres & fort vertueux, & qui fut Ambassadeur pres de L Empereur Charles cinquiesme, le diet Evesque Filz de Messire Jean de Selve premier president au parlement de Paris, iceluy sr. Evesque decedé en l'an 1541 ayant des la susdicte année 1532 ou 1533 passé en Angleterre par permission du Roy pour visiter le susdict sieur de D Intevile son intime amy & de toute sa famile, & eux deux ayantz rencontrez en Angleterre un excellent peinctre holandois, l'employèrent pour faire iceluy tableau qui a esté soigneusement conservé au mesme lieu de Polizy iusques en l'an 1653.