Note 20 — THE INTRODUCTION

De Hermaphroditorum Juribus ex Jure tam Canonico, quam Civili.

‘De Hermaphroditorum apud Judæos juribus & privilegiis, ex ipso Talmud diximus; nunc paucis quæ ex jure tam canonico, quam civili, ipsimet excerpsimus, quæstiones proponemus, plura requirenti, ad ipsorum Jurisconsultorum scripta remittentes: qui hoc nobis (cujus nomine rogans) dabunt, cum & ipsi Dictatoris nostri Hippocratis testimoniis utantur.

I. ‘Quæritur Hermaphroditus cum baptizatur, masculumne an fæmininum nomen imponendum sit? Resp. Nomen masculinum imponendum esse, si in sexu masculino magis incaleat, alias fæmininum. Bald. in leg. quoties in fin. Ang. in l. de quib. de leg. Bertiachin. reper. par. 2. tit. Hermaph. Vel in dubio incalescentis sexus, prout placet imponenti. Bald. in l. quoties, num. 12.

II. ‘Quæritur, an & quoties confiteri debet? Resp. Debet confiteri semel in anno, sic ut homo masculus & fæminina. Astaxen. in sum. decas. Boër. in c. omnis utriusque de pœnit. & remiss. Joh. de Por. in l. 2. in princ. de verb. oblig. Bertach. d. lex.

III. ‘Quæritur, an matrimonium contrahere possint? Resp. Quantum ad matrimonium contrahendum, secundum Glos. in c. 3. q. 3. Sexus magis incalescens: vel validior debet attendi, & sic judicari: & sit parilitas, debet stari dicto & electioni suæ: ita tenet Bald. in l. quæritur ff. de statu hom. Dicens hanc esse opinionem Guliel. quæ etiam rationalibus satis videatur. Sic & sum. Sylvestrina, par. 1. pag. 485. tit. Hermaphrodit. Et Fumus in aur. armil. tit. Hermaph. n. 2. Tiraquel. Tom. 1. de jure primog. q. 17. op. 2. n. 15. Hermaphroditus enim incalescens magis sexu masculino quam fæminino, judicatur ut masculus, l. & quæsit. & ibi D. & Alex. de lib. & posthu. Bertash. dict. loc. At in quo mulieris sexus prævaluerit, pro muliere habendus, Cynus ad l. de quibus num. 9. ff. de l.

IV. ‘Quæritur an comprehendatur in statu requirente consensum propinquorum in contractibus mulierum? Resp. Tiraquel. quod non gl. 5. n. 7. His verbis: & hoc maxime procedunt in statutis, in quibus sub simplicibus mistum non continetur, ut probetur in l. quid ergo §. 1. vers. ex Sentent. ff. de his qui not. infam. juncta l. 1. §. si is qui ff. de exer. utum. item si stat. dicat. ff. de just. & jure. Ubi tenet statutum disponens in contractu mulierum requiri consensum propinquorum, non habere locum in mista persona, videlicet in Hermaphrod. per textum in l. hoc legat ff. de l. 3.

V. ‘Quæritur an possit esse testis? negatur hoc c. 3. q. 3. item idonei in gl. Scil. Si magis vergat ad fæmineum vel etiam si sit parilitas: licet in gl. non determinet: Sed intellige, nisi in casu quo & mulier esse potest; in sum. Sylv. part. 1. tit. Hermaph. Specul. de instru. ed. §. 11. v. quid si unus & tit. de t. §. 1. v. item quod est Herm. Quod sic & mulier esse potest, non aliter per c. Si test. §. Herm. 4. q. 3. Sic Bart. in trac. ad repr. testium in verbo juxta n. 56. Reprobantur, inquit, Hermaphroditi, vel non compelluntur, sed qualitas sexus considerat ut ff. de test. l. repet. & l. ex eo.

VI. ‘Quæritur an possit esse testis in testamento? Resp. Qualiter incalescentis sexus hoc ostendere, secundum Ulp. in l. quæritur de sta. hom. Hermaphrodit. igitur habens utrumque sexum, qui magis ad fæmineum declinat, non potest esse testis in testam. Sicut nec mulier, Sec. gl. in c. si test. 4. q. 3. Secus si magis ad masculinum vergit: si est paritas secundum Guil. censetur ut mulier, & ita non admittenda, nisi ut mulier, sed d. gl. non determinat fumus in aur. arm. tit. Herm. Vide Spec. d. tit. inst. ed. §. 12. v. quod si unus. & tit. de te. §. i.

VII. ‘Quæritur utrum debeat stare in Judicio loco viri, vel mulieris? Resp. reg. Juris quod 1. debet jurare antequam admittat. Ad Judicium, quo membro possit uti, & secundum hoc admittendus, juxta usum & potentiam illius membri, & si uteretur ambobus membris æqualiter, tum secundum S. Ecclesiam non est tollerandus.

VIII. ‘Ex quo etiam quæritur utrum possit promoveri ad sacros ordines? Et respons. Secundum jam dicta. Sic Hermaph. est irregularis sec. Ant. Arctrie. Florentinum in 3. par. sum. tit. 18. de irregular. c. 6. §. 5. Hermaphroditus repellitur à promotione propter deformitatem & monstrositatem, arg. dist. 36. cap. illiteratus & 49 dist. cap. ult. Talis si magis vergit in sexum masculinum, quam fæmininum: quamvis ordinari non debeat, nec ordinatus ministrare: tamen suscipit caracterem (sum. Sylvest. par. 1. tit. Herm. & Fumus in aur. armil. tit. Hermaph. num. 2.) sed si magis vergit in sexum fæmininum quam masculinum, vel etiam si æqualiter participat de utroque, non est susceptivus caracteris, secundum Guil. multo magis fæmina, ordinis non est susceptiva quia non potest dici aliquis, vel aliqua. Idem sentit Astexanus in sum. de casib. lib. 6. de sacram. ord. tit. 26. & addit si magis vergat in sexum virilem, quam muliebrem, potest recipere caracterem: si è converso non potest.

IX. ‘Possitne esse Rector Universitatis? Rector quippe non potest esse Clericus bigamus, nec Clericus uxoratus, nec Hermaphroditus, nec minor viginti annis. Bald. in authent. habita pe. col. vers. item dico de clerico uxor. C. ne fil. pro pat. item Bertach. par. 3. repert. voc. Rector.

X. ‘Quæritur etiam num Judex esse possit? Et deciditur quod non, arg. l. 12. ff. de jud. & cap. illiteratos dist. 26. ubi Doctores. Hermaphroditus ponitur inter Infames c. infames 3. 4. 7. Jam vero famosis dignitatum portas non patere liquet, ex l. 2. c. de dig. lib. 12. d. l. 12. §. 2. de jud. judicandi, autem munus, quædam dignitas est & honor. l. 1. privat. cap. 59. Extran. de appel. l. fin. c. quando provoc.

XI. ‘Quæritur, num possit esse Advocatus? Resp. Cum ponatur inter infames, non potest esse Advocatus. 3. q. 7. cap. infames §. in digestis.

XII. ‘Quæritur, num possit esse Arbitrator? Resp. Quod sic, sive judicetur tanquam fæminina, sive tanquam masculus, sive etiam æqualiter incalescat in sexu masculino sic ut in fæminino. Ita docet Bapt. de sanc. Blas. in suo tract. de Arbitro & Arbitra in 6. prin. ver. Sed quæro incidenter. Et ibi subdit, nunquid possit esse Arbiter, & concludit quod sic: si magis incalescit in sexu masculino, quam fæminino: alias secus, ut probatur in l. quæritur ff. de statu hom. Bertachin. par. 2. reper. &c. hermusti.

XIII. ‘Quæritur etiam num Hermaphroditus incidat in pœnam, l. si quis in tantum C. unde vi, secundum Bart. ibi ubi etiam Bald. Item nota, quod magis incalens in sexu masculino, quam fæminino, inducatur ut masculus & l. quæsitum, & ibi Alex. de lib. & posthu. & est tex. in l. quæritur de sta. hom. Joh. Bap. Castel. Hermaphrodita enim per vim alterius possessionem occupans incidit in pœnam. D. constitut. Bar. n. 14. pag. 355. Monochius de recupera. post. num. 9. ex l. si quis in tantum C. unde vi. Cessat & hoc casu omnis disputatio de Hermaphrodito, quia sive in uno, sive in altero sexu incalescat magis, semper tamen in constitutione comprehenditur, ut scripsit hic. Bart. n. 1. Non enim est quod disputemus de potentiore sexu, juxta l. quæritur de sta. hom. quam declarat multis modis. Dec. in rogasti in princ. n. 6. ff. si cert. pet. & cons. 213. n. 3. Alex. l. 2. in princ. num. 42. de verb. oblig. Gomes Hisp. §. quædam num. 45. Instit. de act. & eodem loco de Actio. in prin. n. 41. Benev. Stracha tract. de merc. 1. par. n. 58. hæc Monochius.

XIV. ‘Quæritur an Hermaphrodita possit prætendere ignorantiam constitutionis in l. si quis in tantum c. vide en ff. de pœnis n. 5. Bart. in lectur.

XV. ‘Quæritur utrum Hermaphrodita succedat in feudum? Antiqua questio inquit. Bald. super, cod. l. quoties n. 7. de suis & legit. & determinatur quod sic, si magis incalescit in masculo, ut ff. de sta. hom. t. quæritur ff. de lib. & posthum. l. sed est. quæsit. §. ultim. ff. de test. l. repet. §. 1. ita tenet. gl. ff. de leg. l. de quib. & Jacob. de Domino Ardizone in sum. sua. Et ergo pro ista parte consului: quia si visis pudendis, quæ vilissima pars corporis nostri, non apparet major incalescentia, tamen si apparet in aliis operibus virtutis, ut in agilitate corporis, & præponderat in eo virilitas consului eum in feudo succedere: nec dicitur omnino imperfectus, qui similis est perfecto: quia ista imperfectio est occulta, quæ tegitur: perfectio autem est evidens & manifesta: ideo eligenda.

‘L. de qui. & vide per gl. & Bald. in l. 1. in fin. quæ sit longa consue. Ang. in d. l. de quib. ubi quærit quid si magis non incalescit in uno quam in alio cui debeat comparari.

‘Vide etiam Baldum in §. omnium post princ. inst. de actio. & cons. 237. quidam magnificus, paulo ante finem, lib. 3. ubi dicit, quod statuta sive consuetudines feudorum deferentes feudum ad decendentes masculos, non includunt Hermaphroditum per d. l. hoc legatum & alia quæ alligat. & Ang. cons. 256. quia consultatio. col. 2. Carneus cons. 137. viso instr. col. 3. n. 10. lib. 1. & recentior. in l. 2. in princ. ff. de verb. oblig. Vide Tiraq. gl. 5. l. 7.

‘At Sichardus in suis prælection. in rod. tit. 53. l. 8. ad l. 1. præses num. 7. Si de consuetudine fæmina non potest succedere in feudo: ergo nec Hermaphroditus: quod intelligitur de eo, in quo incaluit, id est dominatur sexus muliebris. Arg. l. quærit. ff. de sta. hom. Ubi ejusmodi Hermaphrodita in quibus dominetur sexus muliebris, comparantur mulieribus: ut contra ii in quibus dominetur sexus virilis, comparantur masculis, nunc cum eadem sit ratio in Hermaphrodita fæmina, quæ est in pura fæmina, jure etiam tale jus erit in talibus Hermaphroditis statuendum.

XVI. ‘Quæritur, qualiter debeat servire Hermaphrodita? Resp. Bald. supra 6. cod. l. quoties n. 11. Apparere duas conclusiones, sive opiniones in Hermaphrodita: una quod sufficiat servire taliter, qualiter potest, & non debeat servire per substitutum, ex quo admittitur ad fudum & hæc vera: ut ff. de verb. oblig. l. continuus §. si ab eo.

Q. XVII. ‘Quæritur an Hermaphrodita possit in parte sua præeligere unum ex fratribus? Baldus in l. fin. C. de suis & legit. n. 11. quod sic gratis, non autem pretio. Hinc certum est, quod debeat decedere sive Hærede masculo: & si certum, ergo necessarium, quod pariter vocantur agnati in originali investitur, & ejus reliquiis ac appendiciis non potest derogari, ut l. 3. ff. de interdict. & re. leg. Nam quicquid ex aliqua radice descendit, necesse est ejus naturam sapere descendendo continuative & non adversative, ut in cap. 1. de vasal. decre.

‘Plura qui de Hermaphroditorum Juribus requirit, Dominos Doctores & Juris interpres consulat: Hæcque sufficiant circa Hermaphroditorum hominum naturam.’