Note 9 — Chapter XL
Reading edition
"Cum Hiberni et bene sint affecti, et insigniter idonei ad studia literarum et liberalium artium, utpote ingeniis bonis et acutis passim præditi, non potuit hactenus obtineri unquam à præfectis Anglis ut in Hibernia Universitas studiorum erigeretur. Imò dum aliquando de eâ re etiam, Catholico tempore, in Concilio Angliæ propositio fieret, obstitit acerrimé unus e primariis Senatoribus, et ipse quidem celebris episcopus, quem cum postea alius quidam admoneret, mirari se quod is utpote episcopus Catholicus tam sanctum atque salutare opus impediret. Respondit ille se non ut Episcopum Catholicæ Ecclesiæ sed ut Senatorem regni Angliæ sententiam istam in concilio protulisse, quâ opus istud impediretur.
"Quod bene forte se haberet si in Concilio Dei et Sanctorum ejus quando de Episcopo severior daretur sententia, ab eâ, pari posset acumine Senator liberari" ("De Hibernia Commentarius." Louvain, 1632).