Note 154 — PART III.
Reading edition
Permanent tepidi, ignavi, negligentes, vani, leves, voluptuosi, delicati; commoda corpores superflua sectantur, suum compendium in omnibus quærunt, ubicunque honorem et existimationem nominis sui integra servare possunt: intus propriæ voluntati pertinaciter addicti, irresignati, minime abnegati, superbi, curiosi, et contumaces sunt in omnibus, licet externe coram hominibus bene morati videantur. In tentationibus impatientes, amari, procaces, iracundi, tristes, aliis molesti, verbis tamen ingenioque scioli,—In prosperis nimium elati et hilares: in adversis, nimium turbati sunt et pusillanimes: aliorum temerarii sunt judices: aliorum vitia accuratissime perscrutari, de aliorum defectibus frequenter garrire, ac gloriari egregium putant. Ex istis et similibus operibus facillime cognosci poterunt: nam moribus gestibusque suis seu sorex quispiam suopte semet indicio produnt. Thauler. flor. p. 65, 56.